محمد على
المدير العـــــــــام
عدد المساهمات : 136
السٌّمعَة : 0
تاريخ التسجيل : 22/02/2011
العمر : 36
 |  موضوع: بينى وبينك حكاوى  السبت مايو 19, 2012 4:04 pm | |
|
بينى وبينك حكاوى لو قولت تكفيكي
جوايا ميت اسطول وجيوش بتحميكي
جوايا معانى حامية لو طلعت تدفيكي
يا بلدي جوايا مشاعر واحاسيس تغطيكي
ده انتى بلدى وانتى امى وانا تراب اراضيكي
ده انتى لو تزعلي ابكيلك واجيلك واراضيكي
اعمل ايه؟ ما انا بينى وبينك حكاوى شايلها ليكي
ومين يا بلدى اللى يقدر مع بلاد الدنيا يساويكي
ما انتى غالية وعالية وخضارك محليكي
ما انتى صامدة فى المحن ةبتطلع الشمس فى عنيكي
واقولك ايه ومهما قولت مش هوفيكي
ما انا بينى وبينك حكاوى لو قولتها تقويكي
لو رويتها تخلى جرحك اللى تاعبك يداويكي
ما انا عشت معاكى ومت معاكي وبموت فيكي
وكنتى مجروحة وكان ضنايا وجرحي فى ايديكي
وعشت مع الفراعنة وكنت رمسيس اللى بانيكي
وكنت احمس وكنت خوفو وكنت نهر يرويكي
وكنت عايش يوم ميلادك وناديت لربي يسميكي
سماكي مصر وهو باركك وهو كمان اللى حاميكي
ومهما انجرحتى وانضربتى اكيد ربي هيشفيكي
| |
|
